Ynnin ka sngi kawa man leh ka sngi wa pyndep ya ka Scrutiny ya waroh ki kyrtong ha kani ka Election MDC cha ka JHADC kawa da pynman ha yung krehkaam u Deputy Commissioner ka West Jaiñtia Hills District.
Pyn ynnin hi da sakhi ya ka yalang yalap Election (Campaign) kawa nyngkong ha ka 15-Raliang Constituency heiwa u kyrtong ka National People’s Party, u Bison Roy lano deiwa emlang u Montri ka chnat Water Resources, u Comingone Ymbon chirup wa u State Working President ka Party, u Octomewot Lamin, u Organising Secretary, u Elad Suting, u Publicity Secretary, u Lari Patwet wa ki waheh wasian ka chnong Raliang.
Ha kani ka yalang da pynkup burom leh ya ki 11 ngut ki khon ka chnong.
U Bison Roy kam u kyrtong da kyrpaad u ya kiwa chong chnong wow kyrchaan pura ya oo khnang wow poi u cha ka thong i jop wei wow ye u wow lehbha ya ka Constituency.
Neiliang u Comingone Ymbon da pynsñiawthooh u ya ki paidbah wa ymtoh wow man kiwa bichni næ atnood ya kiwa em cha kiwi ki Party tang wow yieñ skem ha ka yurim yong ki.
Discussion about this post