Ka Dorbar Chnong Raliang, West Jaiñtia Hills katkam ka Executive Committee kawa da pynman ha ka 28-01-23 wa i rai paidbah ha ka General Meeting kawa da pynman ha ka 08-01-25 wow booh da ki kyndon neibynta ka yalap Election hapoh u pood u ang yong ka chnong neibynta ki Election waphær waphær wei kamjooh leh ha kani ka MDC Election 2025 yow ye u khang ya ki kaam wa sih wa boon rukom.
Kamtæ ki kyndon kiwa yatoh wa kani ka Election MDC 2025 hapoh ka chnong Raliang man ki kamni:
Ki thaw pynman yalang neibynta ka Election MDC 2025 hapoh ka chnong man ki ha (a) Madan Chrah Umphula,(b) Yung Club Raliang wa ha (c) Madan Chaad Ksoh Tympong neibynta ki kyrtong kiwa kwah pynman ya ka Rally.
U chah du soo tylli ki kari yong ki kyrtong wow wan cha ka yalang hapoh ka chnong.
Ym chah ya ki paidbah kiwa na baar ka chnong wow wan cha ki yalang hapoh ka chnong.
U chah du 15 ngut ki bru kiwa na baar ka chnong ryngkat u kyrtong wow psiah hapoh chnong hawa pynman yalang wei da khang wow wanrah paidbah kiwa na baar chnong cha ka yalang.
Waroh kiwa chong chnong toh u ya chimbynta ki ha ka yalang wa pynman da kiwon kiwon ki kyrtong hapoh ka chnong.
Da khang pyrchah ya kiwon kiwon ki kari wow tem sur deiwa pynheh bha iwa daw pynthut ya kiwa chong chnong khamtam ha kani ka por wa em Exam.
Da khang pyrchah ya kiwon kiwon ki bru wow pynman yei yachaad ha ki sarok wa ha ki luti chnong khnang wym em i pynwit pynthut hapoh chnong.
Da phah leh ya ki kyrtong waroh wow bood ya ki kyndon ka dorbar chnong katkam ka aiñ yong ka Election Commission.
Discussion about this post