Jowai: U J.M. Kyndiah ynne ka sngi da wai u ya ka 17th Inter Dong Football Tournament ha Ummulong Mini Stadium heiwa da emlang u Waheh Chnong ka Ummulong u S.S. Langi kamjooh u Secretary Chnong u P. Lamare wa ki dkhot ka Ummulong Sports Social & Cultural Club.
Da wan chimbynta ki phra tylli ki dong ha kani ka tournament heiwa na kani ki dong daw jied ya kiwa yaleh wow mihkhmat ki ya ka Ummulong cha ki lympung kiwa daw chimbynta ko ha kini ki sngi ki bnai wa daw wan.
Ha chwa wow sdang ka lynpung da yoh yei klam na u Waheh Chnong kamjooh leh na u P. Lamare wa u B. Siangshai.
U J.M. Kyndiah kam u kongsan ynne ka sngi da kyntu kynpham u ya ki wa yalehke wow yait ki na ki myllien wa sih wei da kyntu u ya kiwa yalehke wow man ki kiwa tista u pynbniah yei sap yong ki wei wow em ki ka mynsien rai kut wa skem.
Da ong u leh wa ha ka pyrthai wa katni ka yalehke Football da man ko kam kiwi na ki laad wow yoh khih yoh kreh heiwa da e nongmuna u ya u Eugeneson Lyngdoh wa u Aiborlang Khongji.
Ha ka yalehke wa nyngkong wow wai ya kani ka yalang da pynman hapyrdi ka Lumdeinling SC pyrchah ya ka Lumsooyung SC heiwa ka Lumdeinling da jop ko da chi kool.
Also Read: Rai u Marbud Kyndiah wow yakhun ya ka MLA Election 2018 na 1-Nartiang
Discussion about this post