Ka 1st 10-A-Side Knockout Football Tournament wa pynlai daka Youth & Culture Sport Club Sohmynting da sdang ko haka 22 tarik uni u bnai ha madan Mooknor Sohmynting wei da wan wow wai yaka da u MLA ka thaaiñ, u Wailadmiki Shylla hei emlang u MDC ka thaaiñ u Lakhon Dkhar, u District Sports Officer ka West Jaiñtia Hills, u K. Passah, u R. Challam SDO PHE (Electrical), u Dolloi Elaka Amwi, u J. Pyrtuh, u waheh chnong Sohmynting, u B. Phawa deilang wa kiwa chah khut sñiawbha wa kiwi de.
Ya kani ka lympung da pynman hajrong ka thong yow pynmih yarong poisa yaka Sports Club khnang yow ye ko u kynrong yei kaam Sport hapoh ka chnong ka thaw lyngba ki khon khynroo khyllood kynthai wa chynrang yow kyruiñ u maya ki yei kaam Sport khnang yow lait ki neiwon iwon i chah pynchoi hei kaam wa sih wa ktah yaka imlang sahlang.
Ka khusnam yong kani ka lympung toh T. 1 lak ya kiwa jop Final wa T. 50,000 won ya kiwa rem.
Ha kani ka sngi sdang, da pynman ya ka yakhun hapyrdi ka AAA D Aylward FC pyrchah yaka United Together FC, wa jop da ka AAA D Aylward FC da 2-0 da ki kool wa thap u Amourson Lyngdoh wa u Kindness Mukhim.
