Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da sdang ya ka ynne ka sngi heiwa da em 12 tylli ki dhab hapoh kani ka kyrdan.
Kini ki 12 tylli toh kiwa da yahbhah mar 6 tylli heiwa hapoh ka Pool A da em ka Moosalyngkat SC, ka Mukhla Raij SC, ka Mukhla Evergreen SC, ka Wahiajer SC, ka Chilliangraij SC waka Nangbah Iawmusiang SC katwa ha ka Pool B da em ka Chutwakhu SC, ka Luti Tuber Ialong, SC, ka Shangpung Moosyiem SC, ka Demthring SC, ka Dulong SC waka Sailung Ialong SC.
Ynne da sdang ya ka yalehke hapyrdi ka Nangbah Iawmusiang waka Moosalyngkat heiwa da jop da ka Nangbah da 1-0 da ka kool wa thap u Manchester Thubru ha ka minit wa 89.
Myntsep ka yalehke man ko hapyrdi ka Chilliangraij waka Mukhla Raij heipor 2:30 i sngi.
