Ka Mawryngkneng Cultural & Sports Club da wai pyrda ko ynne ka sngi ya ka 1st Grosswell Mylliemngap Memorial Football Tournament 2021 ha Mawryngkneng Stadium.
Ya kani ka Tournament da wan wai pyrda da ka Adele Jyrwa kawa man ka khon khaddooh yong u Grosswell Mylliemngap hei emlang u Sordar yong ka Dorbar Chnong Mawryngkneng u Peter J Lawai, ki Waheh Dong wa kiwa yahkhmat ka MCSC.
Chwa wow sdang kani ka Tournament da yoh i klam na u Sordar ka chnong Mawryngkneng, uwa mihkhmat ka Block Office, ka PHC wa kiwi de.
Da yoh leh yei klam na u khon chynrang u Grosswell Mylliemngap, u Dr. O.S. Jyrwa uwa da khana chaphang uwa mihkhmat wa nyngkong yong ka Sohryngkham Constituency nadooh u snem 1972 hadooh 1988.
Ki yalehke ynne ka sngi da sdang hapyrdi ka Puriang waka Nongkhroh Mawsiang heiwa ka Puriang da jop ko da ka Tie-breaker 6-5 hadien wa ka yalehke da kut ko da 0-0.
Ha ka yalehke wa ar won, ka Nonghali da jop ko ya ka Nangkiew FC na Smit da 3-1.
Ki kool ka Nonghali da thap da u Haken Kharsati (12 min), Ialam Mynsong (42 min) wa u Kampher War (61 min). Katwa ya ka Nangkiew FC da yoh wow pynkhih jaar da u Kitbok Kharbihkhiew ha ka minit wa 85.
