Jowai: U Cherishterfield Thangkhiew ynnin ka sngi ka 16 tarik daw wan wai pyrda u yaka 1st Mait Shaphrang Football Tournament kawa da pynlai da ka Khasi Students Union Iooksi Unit ha Madan Mooblang Iooksi.
Haka yalang wai pyrda ya kani ka yalehke da em leh kiwa yahkhmat ka KSU Central Body, kiwa yahkhmat ka KSU Jaiñtia Hills wa kynthup ya u Ohibait Dkhar, President wa u Shaniah Shkem Dkhar, Assistant Finance Secretary.
U Cherishterfield Thangkhiew uwa man leh u GS warim ka HNLC da ong u wa boon ki khynroo ka juk wa katni heithaw wow leh ki ya ki kaam wow tei ya i doh i pran da pynsih ki yei doh i pran deiwa dih ya ki jait dih pynmuaid kam ka kiad wa i drug, kamtæ i pynman ka KSU ya kam kini ki yalehke pyllait ko ya ki khynroo na ki kaam wa sih.
U Cherish da ong chooh chooh u wa ka yalehke bol pyn yajan ko uwi ya uwi nadooh kiwa yalehke, kiwa paitke wa ya kiwa pyllai ya ka lehke leh kamjooh deiwa pyntipmit uwi ya uwi.
Da yoh leh yei klam na u Ohibait Dkhar wa na u Shaniah Dkhar heiwa waroh arngut ki da e khublei ki yaka KSU Iooksi Unit kiwa da ye wow pynman ya kani ka lympung yalehke bol ha kani ka thaaiñ.
Ka yalehke haka sngi sdang da pynman hapyrdi ka Saphai SSCC pyrchah yaka Priang SC.
Ka Priang SC da yoh ko yei naam da chi kool kawa thap haka minit wa 4 ka Extra Time.
Discussion about this post