Ka 2nd Division ka West Jaiñtia District Sports Association (WJDSA) kawa tip leh kam ka 6th Debo Shullai Memorial Trophy da sdang ya ka ynne ka sngi ha Kiang Nangbah Stadium, Jowai heiwa ha kani ka kynti da em 16 tylli ki liang wa em hapoh kani ka kyrdan kiwa da yabhah ha ki soo tylli ki dhab namo ki Pool.
Ha ka Pool A da em ka Chilliangraij, NSA, Mooknor Thadmuthlong waka Lion SC.
Ha ka Pool B da em ka Shangpung Khliehmuchut, Pynthorlangtein, Panaliar waka Iawmulong Nartiang.
Ha ka Pool C da em ka Maitchaphrang Mootyrchaih, Caroline Colony, Nangbah Dukhu waka Khliehmyngkrem.
Ha ka Pool D da em ka Chutwakhu, Dongmihsngi, Lumpariat waka West Madan Mustem.
Ynne ka sngi sdang da pynman ar tylli ki yalehke heiwa ha ka yalehke wa nyngkong, ka Maitchaphrang Mootyrchiah da jop ko yaka Caroline Colony da 3-1.
Ya ki kool ka Maitchaphrang Mootyrchiah da thap da u Batskhem Dkhar haka minit wa 63, u Raymond Sten haka minit wa 66 wa u Arwan Lyngdoh haka minit wa 77 katwa ya ka Caroline Colony won da thap kool da u Gestar Light Dkhar haka minit wa 40+1.
Ha ka yalehke wa ar hapyrdi ka Nangbah Dukhu waka Khliehmynkrem da kut da 1-1.
Ya ka Nangbah Dukhu da thap kool da u Ewanmi Pasi haka minit wa 17 katwa ya ka Khliehmynkrem da thap kool da u Pascal Phawa ha ka minit wa 76.
Ki yalehke mynstep u man ko hapyrdi ka Chutwakhu waka Dongmihsngi heipor 12:00 waje pyrdi sngi wei daw pynbood da ka Lumpariat waka West Madan Mustem heipor 2:00 waje i sngi.
Discussion about this post