Ka lympung yalehke wa tip kam ka 2nd Maruti Ball Cricket Tournament 2026 wa pynman da ka Nongtalang United Welfare Organisation da sdang ka haka 16 tarik uni u bnai ha madan yalehke ka Nongtalang, West Jaiñtia Hills District heiwa u Henry Manar, President ka Driver Truck & Owner War Jaiñtia Association da wan emlang u kam u kongsan, hei emlang u Hat Pohchen, Assistant Waheh Chnong Nongtalang, u Twinson Rymbui, President ka Synjuk Waheh Chnong War Jaiñtia deilang kiwi won ki waheh wasian.
I thmu wa kongsan ka Nongtalang United Welfare Organisation wow pynman ya kani ka yalehke toh yow pynmih yarong poisa khnang yow yoh ko u pyndep yei thmu yong ka u e yarap e kyrchaan ya ki manyung wa dooh wa duk hapoh ka chnong Nongtalang, iwa man leh ka bynta em kitkhlieh ha ka imlang sahlang.
Ya ka yalehke da sdang da ka CL7 United pyrchah ya ka CL CT, heiwa ka yakhun man ko kawa pynyoosuk ya kiwa pait heiwa ka CL7 United da yoh ko yei jop deiwa kamai 191 Run katwa ka CL CT da kamai ko 141 Run.
Ha kani ka sngi da e khusnaam Man of the Match haroh cha u Skhemdiam Suting uwa yalehke ka CL7 United hajrong i chkeh u wow lehke.
Neiliang ka Nongtalang United Welfare Organisation da e sñiawngooh haroh ko ya waroh ki seiñ, ki bru waheh wasian, ki bru samen, ki paidbah wa da e ki i kyrchaan i yakrehlang hei wow pynman jop ya kani ka lympung yalehke.
Discussion about this post