Sdang ka 3rd Division 2025 ka East Jaiñtia Hills District Football Association

Ka 3^rd Division 2025 ka East Jaiñtia Hills District Football Association da sdang ya ka ynne deiwa em 38 tylli ki Team kiwa da chibynta kiwa da yabhah ha 16 tylli ki liang deiwa pynman nyngkong 3 tylli ki yalehke.

Ha ka yalehke wa nynkong, ka Narwan SCSC da jop ko ya ka Teilang SCSC Lummyrlli da 3-0 da ki kool wa thap da u Shiborlang Shadap ha ka minit wa 17, u Jimris Langstang ha ka minit wa 61 wa u Arhowni Shadap ha ka minit wa 72.

ADVERTISEMENT

Ha ka yalehke wa ar, ka Youngstar SCSC Huroi da jop ko ya ka Mookhep SCSC da 4-2.  Ya ki kool ka Youngstar da thap da u Wallamborlang Lamin Gadew ha ka minit wa 11 wa 50, u Defirent Surong ha ka minit wa 47 wa u Rining Nongpoh ha ka minit wa 48, katwa ya ka Mookhep da thap da u Dilas Dkhar ha ka minit wa 16 wa 75.

Ha yalehke wa le, ka Tongseng SYSC da pynrem ko da 2-0 ya ka Umlong SCSC da ki kool wa thap u Niyos Suchen ha ka minit wa 49 wa 63.

Related posts

3rd Division EJHDFA: Jop ka Umrasiang, Rymbai Pohskur wa ka Moonongtdu

July 9, 2025

Yoh takma uwi neibynta ka Meghalaya ha ka National Junior Wushu Championship

July 8, 2025

Ya kani ka lympung yalehbol da wan wow wai da u D.H. Malang kam u kongsan deiwa emlang u Wilbert Nongtdu kam u symbood kongsan deilang kiwa yahkhmat ki Club wa da chimbynta chirup ki dkhot wa kiwa kitkaam ka East Jaiñtia Hills District Football Association.