Ka 2nd U Adelbert Laloo Memorial Trophy wa pynman da ka West Jaiñtia Sports Association (WJDSA) da sdang ya ka ynne ka sngi kawa man leh kam ka 3rd Division Football Tournament 2022 heiwa da wan chibynta da 40 tylli ki dhab.
Kani ka lympung yalehbol da sdang ko da ka yalehke hapyrdi ka Chyrmang Wah waka Tympang heiwa ka Chyrmang da jop ko da 5-0.
Ya ki kool da thap da u Khainme Khlem ha ka minit wa 15, 58 wa 80+1, wa mar chi kool na u Niwan Syad haka minit wa 24 wa u Arkiru Syad haka minit wa 48.
Ki yalehke mynstep u man ko hapyrdi ka Mynso Blazon waka Mookaswan Dongneiñ heipor 11:00 waje i step iwa daw pynbood da ka Newhills pyrchah ya ka Catholic Youth Mihmyntdu heipor 1:00 waje i sngi katwa heipor 3:00 waje won daw yachem ka Mulang Ialong waka Pamanik.
