theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Pynthut u slap ya ka yalehke ka Nokrek Tigers waka Myntdu Lions

Advertisement ad1

Ka Meghalaya Cricket Association ynne da sdang ko ya kawa nyngkong dooh ka Senior Men Challengers Cup da ka yalehke hapyrdi ka Nokrek Tigers waka Myntdu Lions tangwa hapyrdi ka yalehke da wan pynthut u slap hadooh wa hap wow pyndam ya ka yalehke. 

Ya kani ka Tournament da wan wai da u MCA Vice-President, u Dipul D Ryntathiang deiwa emlang u MCA Honorary Treasurer, u Dhrubajyoti Thakuria, u East Khasi Hills District Cricket Association President, u Dister Marbaniang wa u President ka All Jaintia Cricket Association, u Eddystone Shylla. 

Ka Myntdu Lion da jop ko ya ka kylla khlem wei da jied ko wow kawang bol nyngkong heiwa da ye ki wow pynhaap lut ya kiwa kamai ka Tiger deiwa yoh ki 150 na ki 31.2 Over. 

U Aryan Bora (Left-arm spin) da yoh u 5/36 katwa ya ka Nokrek da kamai boon u Sylvester Mylliempdah (20) kiwa ha iwi i por da yoh ki 79/7. U Anish Charak da yoh yarap ko wa u Ram Gurung (15 not out) yow kamai lang ki 67 neibynta ka Wicket wa phra. U Charak da kamai u 52 na 42 bol wa kynthup ya ki 5 tylli ki 4 Run wa 3 tylli ki 6 Run. 

U Dippu Ch Sangma (2/33) da ye u wow pynhaap ya u Charak haka Over wa 29 heiwa ka Myntdu da ye ko wow pynhaap lut ya ki Wicket hadien ini. Kiwi de kiwa kawang bol wa yoh Wicket yoh u Riboklang Hynniewta (1/13), u Chengkam Sangma (1/15) wa u Pankaj Mandal (1/25). 

Ka Myntdu da yoh ko wow sdang yei kdong thong chwa i por baam ja sngi deiwa yoh 13/3 na ki 6 Over heiwa u Charak won da ka bol da yoh u (2/3) deiwa pynhaap arngut ha ka jooh ka Over katwa u Ram da yoh u 1/10. 

Ya ka yalehke ym em de u yoh wow pteiñ hadien wa sangeh yow baam ja neidaw wa joor u slap wei ka madan ym man de ko kawa hoi u yalehke, kamtæ waroh arliang da yoh ki mar chi Point. 

Mynstep ka yalehke u man ko hapyrdi ka Umiam Eagles waka Simsang Sharks heipor 9:00 waje i step. 

Share this:
Previous

Sdang ka 3rd Division ka WJDSA dei jop ya ka Chyrmang Wah

Next

Khuk yachem u Bajop ya u Vincent chwa wow lai e chithi mih noh na ka Congress