Ka Elaka Lakadong Sports Association (ELSA) East Jaiñtia Hills District da wai pyrda biang ko ya ka 3rd Elaka Lakadong Knockout Football Tournament 2023-24 ynnin ka sngi ha chnong Lakadong Umlatdoh da u M. Phawa kam u kongsan ryngkat i emlang u R. Dkhar chirup wa u Dolloi ka Elaka, u O. Shadong kamjooh ki waheh wa ki Secretary chnong.
U kongsan hawa e yei klam da kyntu joor u ya ki khynroo wow maya ya ka yalehke khnang wow lait na ki kaam sih kiwa boon wei da kitbok u leh ya kiwa chimbynta ha kani ka lympung.
Kiwi kiwa da klam ha kani ka sngi toh u O. Shadong, Dolloi ka Elaka Lakadong, u Ngaitlang Rymbai uwa man uwa e buit ka seiñ wa na u N. Talang, Secretary.
Ya ka yalang da pynlai da u F. Rymbai uwa man u President ka ELSA.
Ka yalehke ha kani ka sngi heipor 12:30 man ko hapyrdi ka Lakadong Umlatdoh FT pyrchah yaka Lama wei ka yalehke wa ar toh heipor 2:00 waje i sngi hapyrdi ka Umlyngsha FT pyrchah ya ka Lakadong Ummat FT.
Kiwa jop ha ka yalehke man ki kamni ha wah:
Lakadong Umlatdoh FT 1-2 Lama FT
Umlyngsha FT 1-1 Lakadong Ummat FT heiwa da rai jop ya ka Lakadong Ummat 3-1 lyngba ka yachut Tie-Breaker.
Kani man ko katkam ka Wyrta na u N. Talang uwaan u Secretary ka ELSA.
Discussion about this post