Amlarem: Ka 5th Cricket Tournament kawa pynlai da ka Amlarem Sub-Division Cricket Association da sdang ko ynne ka sngi ha ka madan yalehke ka chnong Amladkhur heiwa ynne ka sngi ha ka yalehke wa nyngkong da pynman hapyrdi ka Amlarem CT pyrchah ya ka Trangblang CT.
Da wan wai ya kani ka lympung da u Froveling Pakynteng uwa man kam u kongsan, hei emlang ki dkhot ka Association, ki waheh wa sian kani ka thaiñ wa ki paidbah kiwa wan sakhi lang.
U kongsan hei klam yong oo da ong u wa kani ka Cricket Tournament man ko ka rynsan wow kyntu yei sap kiwa chimbynta wei da e mynsien u leh ya uwi pa uwi wei wow yalehke ki dei mynsien wa yatylli lang wei ym hoi u em i mynsien wa ya choon neibhah ha ka yalehke da em bait ki wa jop wa ki wa rem.
Ha ka yalehke, ka Trangblang CT da rem ko ha ka Amlarem CT da 68 Run heiwa ka Amlarem CT da booh thong ko 127 Run deiwa hap 2 tylli ki Wicket na ka 20 Over katwa ka Trangblang CT da ye ko u kamai 59 Run deiwa hap lut ki Wicket na ka 20 Over.
Discussion about this post