Ka lympung yalehbol kawa mar 6 ngut chiliang kawa tip kam ka 1st 6-A-Side Football Tournament wa pynman da ka Seiñ Kur Pariat Hq. Moodymmai da sdang ko ha ka 24 tarik uni u bnai ha madan Futsal wa em ha Khliehtyrchi kam chibynta wow pynmih poisa yow su pyndep yei thaw wa da thied ka kur.
Ha kani ka Tournament da wan chimbynta hadooh 28 tylli ki liang kiwa na ki chnong waphær waphær heiwa ka song poisa ya kiwa jop ya ka Final man ko Rs. 30,000 katwa kiwa rem won won u yoh ki Rs. 15,000.
Ya kani ka lympung yalehbol da wan wow wai da u K.L. Pariat kam u kongsan heiwa da da ong u wa i yalehke man i i chait i khiah iwa pynstiñ yei pyrkhat pyrdaiñ wei da kyntu u ya ki wow chimbynta deiwa em i mynsien kreh chitom neibhah kani yarap ko yow lait nei chah kdoh mroo ha ka stat Technology, ki kaam wa sih wa kiwi de.
Da emlang ha kani ka sngi wa u Emjingmut Pariat uwa man leh kam uwa e buit ka kur neitæ u General Secretary, ki dkhot ka Executive Committee ka kur wa kiwi de kiwa wan na jan na jngai.
Discussion about this post