15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Sdang ka 6th Jaiñtia Meet Football 2017 yong ka AJSU ha Shillong

0 Comments
Advertisement ad1

Shillong: Ka seiñ All Jaiñtia Students Union (AJSU) Shillong Circle da pynman ko ya ka 6th Jaiñtia Meet Football 2017 ha Shillong ha Madan Jingkieng Nongthymmai ynnin ka 5 tarik.

Ha kani ka sngi da wan wai ya kani ka lympung da u Kyrmen Shylla na Byndihati kam u kongsan wei kamjooh man u leh u kyrtong ka UDP na Khliehriat Constituency  hei emlang u President ka Seiñbei ka AJSU u EC Dkhar kam u symbood kongsan.

Ha kani lympung da wan chimbynta hadooh 30 tylli ki dhab heiwa ki dkhot toh kiwa napoh ri-loom Jaiñtia.

U Robert Suja Nongtdu, General Secretary AJSU Shillong Circle da e khublei u ya waroh wa yatylli deiwa em akor em burom kawa lai leh katkam ka thong kani ka lympung.

U Kongsan ha kani ka sngi da e sñiawbha u T. 15,000 wei da ong u leh wa oo leh toh uwa sñiawsuk bha u yaleh Football wei da dep chimbynta u leh ha kani ka lympung wa pynman kani ka seiñ heipor wa dang em u ha Shillong. Kamtæ da pynchlur u ya ka seiñ wow pteiñ ko ya kani ka lympung ka wow wanrah ya ka yatylli kamjooh ka laad ya ki khynroo khyllood wow pynyoo ki yei sap yong ki.

Ha kani ka sngi ka Ummulong United XI FC da jop ko ya ka Forever Sutnga Fc da 2 -1, ya ki kool ka Ummulong da thep da u Jeffrey Lyting ha ka minit wa 23 wa u Prosperwell Dhar ha ka minit wa 52 katwa ya ka Forever da yoh thap u Sneilang Dkhar ha ka minit wa 17.

Hapyrdi ka Sutnga FC wa ka Ham E Lad, da kut ko 2-2, ya ki kool ka Sutnga da thap u Kynjai Malang ha ka minit wa 29, u Kah Dkhar ha ka minit wa 41. Ya ki kool ka Ham E Lad da thap da u Ebormi Papang ha ka minit wa 36 wa u Kynmow Tang ha ka minit wa 57. Da rai ya kiwa jop da ka yachut Penalty heiwa ka Sutnga da jop ko 5-3

Ka Jopbait United FC da jop ko ya ka Raliang United FC da 3-2. Ya ki kool ka Jopbait da thap da u Supernal Malang ha ka minit wa 29, u Shibor Syih ha ka minit wa 39, u Jas Chyrmang ha ka minit wa 58. Ya ka Raliang United da yoh u thap da u Sngawdame Dkhar ha ka minit wa 13 wa u Eijingmut Lyngdoh ha ka minit wa 42.

Ka Iong I lang FC da pynrem ko ya ka Combine United FC da 2-1. Kiwa thap kool naka Iong I toh u Meo Langstang ha ka minit wa 24 wa u Deinistar Nongtdu ha ka minit wa 31. Na ka Combine United da thap da u Da o Lakiang ha ka minit wa 38.

Kani toh katkam ka khubor na u W. Gympad Secretary Sport AJSU Shillong Circle.

Share this:
Previous

Chem ya i metyap uwi u bru, wei chah ksih kawi ka manbei dei thmu wow knieh ya ka muna poisa ko

Next

Maham joor ka JNC-MEU ya kiwa pynemkaam bakla yei pyrtuid ka EJNC wa ka WJNC