Ka Sports and Games Committee ka Dorbar Chnong Panaliar ynne ka sngi da sdang ko ya ka lympung yalehbol kawa tip kam ka 4th 7-A-Side Football Tournament ha madanbol ka chnong.
Ha kani ka sngi u SDO ka PHE (Electrical) Division, u Roskil Challam da man u kam u kongsan wei da em ka yalang wa tbian wa pynlai da u Owaker Paswet uwa man u Chairman ka Committee.
Da yoh yei ngooh Blai na u Marki Lakadong, Chairman ka Niamtre Committee wa i klam waiphang na u Maryngkat Syngkon uwa man u Executive Member ka Chnong.
U Roskil hawa e yei klam da kyntu u ya ki khynroo khyllood wow embynta ha ki jait yalehke namo ki Sports khnang wow yoh yei chait i khiah.
Da ong u leh wa deiwa embynta ha ki yalehke daw ye u yait u kiar na ki kaam wa sih wa ktah ya ka imlang sahlang wei kamjooh leh daw ye u yoh khih yoh kreh na ka.
Ha kani ka lympung da em 12 tylli ki liang wa chimbynta wei ynne ka yalehke da man ko hapyrdi ka Iatylli Lang FC wa ka Pamhadem FC heiwa ka Iatylli Lang FC da jop ko 4-2 lyngba i chut Tie-Breaker.
Discussion about this post