Ynnin ka 16 tarik da sdang yaka 1st 7-A-Side Knockout Football Tournament ha madan Wahkijwai Lumbhahdakha Wahiajer nadooh i por 1:00 waje i sngi hei pynlai yong ka seiñ khynroo yong ka dong Lumbhahdakha kawa pynman daka Lumbhahdakha Sports Social Educational & Cultural Club.
Hachwa u wai ya kani ka Tournament, da em leh ka yalang kawa tbian wa pynlai da u Batskhem Sumer uwa man kam u Chairman yong ka LSSECC ryngkat wa u General Secretary u Winstone Mukhim, hei emlang ki waheh yong ka dong.
Da wan wow sakhi leh da u Lovely Shylla uwa man u Assistant Waheh Chnong Wahiajer heijooh i por da man u leh kam u kongsan ha kani ka sngi.
Da em leh wa u Dr. James Rymbai wa u General Secretary ka Dong Lumbhahdakha u ES Kharngi, u Chairman Dong Lumbhahdakha u Salonki Dhar, u Pyntngen Miki Mulieh uwa man leh u President Seiñ Khynroo Niamtre Wahiajer wa kiwi kiwi de.
Haka yalehke kawa sdang heipor 1:30 i sngi, ka Erick FC da yahcem ko yaka Mystery FC heiwa ka Mystery da jop ko daka yachut Tie-breaker 1-0.
Ka yalehke wa bood da pynman heipor 3:00 waje hapyrdi ka Criminal FC pyrchah yaka Maya Club SC iwa da jop daka Criminal FC da 2-1.