Ka 3rd 7-Aside Knock Out Football Tournament wa pynman da ka Sports & Games Committee ka Dorbar Chnong Panaliar da sdang ko ynne ka sngi dei yakhun hapyrdi ka LMK FC pyrchah ya ka Seiñ Kynjei FC.
Ha chwa u sdang da em ka yalang wai ya kani ka lympung kawa pynlai da u Owaker Pasweth, Chairman, S&G Committee wei da yoh i ngoohblai na u Tista Paswet.
U Waheh Chnong ka Panaliar, u Riquoma Rq. Laloo hei klam yong oo da ong u wa ka yalehke Sports waphær waphær man ko kawa emkaam bha hei im u bru, neibhah wa yarap ko yei chait i khiah.
Da e u leh i kyrkhu kyrdoh ya waroh ki 14 tylli ki dhab (Team) wa chimbynta wow em ki katæ ka mynsien yalehke heipor wa em hapoh madan, khnang wa ka yalehke u man ko kawa yoosuk.
Katwa u kongsan yong kani ka janmiet, u Justice Lyngdoh, u Waheh Chnong ka chnong Rymbai da e yaroh u ya ka chnong Panaliar kawa ye u pynman chiboon ki jait yalehke nei por chei por, wei man leh ko ka chnong wa bna naam. Ini waroh ong u toh wa em ka chnong ya kiwa pynlai wa stat.
Neitæ kam ki liang wa chimbynta kyntu u wym hoi u man kiwa sarong la jop, næ sñiawsih joor leh hawa rem, neibhah ha kawon kawon ka yaleh da em bait i jop wa i rem, najrong wa kyntu u wow dohyap yow poi cha ka thong.
Ya ki kyntien e khublei ha kani ka sngi da yoh na u Sienmitre Sumer, Secretary S&G Committee ka chnong Panaliar.
Da emlang leh haka yalang wa u General Secretary ka chnong, u Careme Phawa, u Treasurer ka chnong, u Jait Dao Sumer wa kiwi.
Haka yalehke da jop daka Seiñ Kynjei FC da 3-0 da ka kool wa thap bakla da u Deimon Shullai uwa yalehke ka LMK FC wa mar chi kool na u Raplangki Marboh wa u Dashngaiñ Sukhlaiñ kiwa yalehke ka Seiñ Kynjei FC.
