theme-sticky-logo-alt
theme-logo-alt
Advertisement ad1
Advertisement ad1

Sdang ka 8th U Kiang Nangbah Memorial Inter Office Football Tournament 2021

Advertisement ad1
Advertisement ad1

Ka lympung yalehbol wa tip kam ka 8th U Kiang Nangbah Memorial Inter Office, Football Tournament 2021 wa pynlai daka Meghalaya State Government Employees’ Federation, Jaiñtia Unit da sdang ko ynne ka sngi ha Kiang Nangbah Stadium, Dongmihsngi Ladthadlaboh Jowai.

U K. Passah, District Sports Officer, West Jaiñtia Hills hawa e yei klam kam u kongsan ha kani ka sngi sdang da pyn-eh bok pyn-eh nasib u wa kani ka lympung u man kawa lai bait lai ryntih wei ka liang wa chkeh tam u yoh rah ko ya ka Cup yong uni u snem.

Advertisement ad1

Da ong u wa kam kini ki yalehke toh ka rynsan wa ye u pynyachem lok na kawi ka thaw cha kawi won, wei kam ya kiwa kreh ha ki yung krehkaam, kani ka lympung man ka wow pynwyrngia ya ki najrong wa man ko leh ka bynta wow yohlaad yachem ya tipmit.

Da kyntu haroh u ya ki manbei manpa wow e mynsien ya ki khon ki kti ha kawon kawon ka sap wa em ki, neibhah ymtoh waroh ki khon man ki kamjooh, seiwi leh wa haka juk katni, ka Sports leh man ko kawa wa e khih e kreh ya ki khon khynroo. 

Ha kani ka sngi sdang, ka yakhun da man ko hapyrdi ka chnat krehkaam yong ka Soil pyrchah yaka PWD, heiwa ka Soil da jop ko ya ka PWD da 3-1.

Ya ki kool ka Soil da thap da u Damitrius Nongtdu haka minit wa 46 wa 61, u Kerbasius Suchiang haka minit wa 74, katwa ya ka chi kool ka PWD da thap da u Lewansa Oo Laloo ha ka minit wa 85.

Share this:
Previous

22 ngut kiwa dang yoh wa 28 ngut kiwa chait ha Meghalaya

Next

Jop ka Pasyih Cultural ya ka Kseh Sylle Ialong ha ka 18 Above ka WJDSA