Sdang ka bichaar deiwa wan e sakhi nyngkong u payu u Raja Raghuvanshi | Waroh em 90 ngut kam kiwa sakhi

Ka yung Kasari u District and Session Judge ynne ka sngi da sdang ko wow chong bichaar ya ka mukotduma chah pynyap u Raja Raghuvanshi, deiwa sdang wow ap u sñiaw ya ka ujor wa ki sakhi na u payu yong u Raja, u Bipin Raghuvanshi.

Ini wa da chim bichaar ka Kasari ya ka mukotduma toh hadien wa ki pulit da e kti ki ya ka Chargesheet wa nyngkong pyrchah ya 5 ngut kiwa da chah pynbaad emkti wa kynthup leh ya ka kurim u Raja, ka Sonam Raghuwanshi wa u chan ko u Raj Kushwaha.

Ya u Raja Raghuwanshi da pynyap da ka Sonam wa 3 ngut heiwa da noh yei metyap u cha ka riat wa em marjan ka Weisawdong ha Sohra.

U KC Gautam uwa man u Special Public Prosecutor da ong u wa katkam ka Chargesheet da em hadooh 90 ngut ki bru kiwa man kam kiwa sakhi wa ka Kasari daw ap daw sñiaw ko na waroh arliang, heiwa da ong u leh wa ini ym chimpor ko.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Da pyntip u wa ynne ka sngi da chim u yei klam yong uwa ujor uwa man u payu u Raja Raghuwanshi, tangwa ym pu em ye wow pyndep, wei daw chong bichaar biang ha ka 26 tarik uni u bnai.

Hawa kylli, u KC Gautam da pyntip u wa napyrdi ki 90 ngut, kattu katni ngut ka takit daw chimpor, katwa ya kiwa boon toh malu mala donhi, wei ya kiwa sakhi kiwa na baar ka Meghalaya ye u leh da ka Video Conference.