30 sngi e por ka chnat Transport ya kiwa kamai wow biah ya ki ID chaphang yong ki hapoh kari

Ka sorkar Meghalaya lyngba ka chnat Transport da hukum ko lyngba ka Notification wa da pynmih ha ka 23-09-25 heiwa da phah ya waroh kiwa yah ya ki kari kamai deilang ki Conductor wow biah dur da ki kynja ID wa chna hi ki kiwa khana chaphang yong ki.

Katkam kani ka Notification, waroh kiwa em Permit neibynta ki Taxi, Auto Rickshaw deilang ki Bus, ki kari wa em National Permit, kiwa em Tourist Permit, ki kari ki thaw puræ (School/Educational Education) hap ki wow booh namo wow Display deiwa che hapoh ka kari deiwa thoh dei ktien English wa dei ktien wa klam ha ka chnong ka thaw wei wow biah yeini ha ka Dashboard lane hadien ka Front Seat yow chynna bha kiwa chong kari namo ki Passenger.

Related posts

Deiwa kular ka PWD u su pynchna kiwa chong chnong ka Mooshrot ya u sarok ar sien tangwa chah thok

June 28, 2026

80 tylli ki kari wa yah deiwa tyngkheiñ kyndon | Rs. 81,500 ka kuna yoh ki pulit ha ka chi miet ha Laitumkhrah

June 27, 2026

Manda leh yeini hap wow khana yei pyrtuid uwa yah kari, ka Driving License Number, ka Number Phone, i thaw sah (Permanent Address) wei ini leh man i jooh neibynta u Conductor.

Ka chnat Transport da ong ko wa da leh yeini yow em i khooid i suba, i bahkhlieh wei kam wow yada ya ki Passenger wei kani ka hukom toh kawa krehkaam chisiendon wei da e por wow leh yeini hapoh 30 sngi nadooh wa pynmih ya kani ka khubor.