Ka lympung yalehke wa le sngi wa tip kam ka “Children Sports Festival” hapoh ka Azadi ka Amrit Mahotsav ya ki khynnah wa em ha ki Child Care Institution ha East Jaiñtia Hills District wa pynman da ka District Child Protection Unit, East Jaiñtia Hills District da wai ya ka ynne da u Addl. Deputy Commissioner ka District, u A. Nongbri, ha Dkhiah West Playground.
Hawa e yei klam u A. Nongbri da ong u wa ki yalehke sports, i pynjra doh wa kiwi kiwi kiwa yarap ya i doh i pran man iwa emkaam bha neibynta i bor pyrkhat wa i chait i khiah ki khynnah.
Da ong u wa kani ka Children Sports Festival toh ka rynsaan wow pynyoo ya ki sap yong ki kamjooh leh i bor yong ki wei heiwon tlot ki deiwa kitbok leh ya kini ki khynnah waroh.
Ka R. Kynjing, District Child Protection Officer won da pdiang burom ko ya u kongsan kamjooh ya ki khynnah chynrang wa kynthai cha kani ka lympunf wa yarap da ka National Implementation Committee (NIC) wa ka Ministry of Culture, wei da pynkreh da ka Ministry of Women and Child Development hapoh ka Azadi ka Amrit Mahotsav. Da pyntip ko leh wa kani ka lympung sdang ko ynne hadooh ka 28 tarik uni u bnai.
Ha kani ka lympung daw pynman ya ki yalehke kam ka 100-meter Race, Relay Race, Kabbaddi, KhoKho, Tug of war, Dodge ball, Cross Country, Basketball, Football wa ki yalehke hapoh yung namo Indoor Games.
