Ka Kiang Nangbah Government College, Jowai ynne ka sngi da sdang ko yaka lehkmen College Week 2024 wa da pynman da ka Kiang Nangbah Government College Students’ Union wei daw pteiñ ko hadooh ka 2 tarik u bnai wow wan.
Ya kani ka College Week da wan wai da u Phasmon Dkhar, MDA ka Musniang-Rngad deiwa emlang ka Principal ka College ka Dr. E.M. Blah.
Neiliang u Phasmon hawa e yei klam da yaroh u yaka Students’ Union yeiwa ye ko u pynman ya kani ka College Week wei da pynchlur leh ya ki khynroo khyllood ka College wow pynyoo yei sap i tap yong ki nadooh i bor i doh i pran kamjooh leh i bor jabieñ.
Ynne ka sngi sdang da pynman leh yei phet Marathon, ki yalehke Volleyball, Basketball, Football, Table Tennis wa kiwi kiwi de wa da chimbynta chongchit chynrang wa kynthai.
Kani ka College Week kawa jooh pynman chisien chi snem man ko kam chibynta wow pynchlur ya kiwa lai puræ ha ki yalehke Sports wa kiwi kiwi de ki kaam wa bha.
Discussion about this post