15 49.0138 8.38624 1 0 4000 1 https://wyrta.com 300 0

Sdang ka Day and Night Football Tournament ka Mukhla Nongrim Sports Club

0 Comments

Jowai: Ka 5th Day and Night Football Tournament yong ka Mukhla Nongrim Sports Club (MNSC) da sdang ko ynne ka sngi ha Mukhla Nongrim, wei da wan wai yaka da u Ridame Sari kam u kongsan hei emlang u Secretary ka Dorbar Chnong Mukhla Nongrim wa ki Executive Member ka Chnong.

Ha ka yalang wai pyrda da emlang leh ki waheh naka chnong Jarain Sutnga, East Jaiñtia Hills District, u Generous Malang wa u Islife Malang wei yaka yalang da pynlai da u Batista Sari Asst. Chairman MNSC wei da yoh ya ki ktien sneiñ na u Secretary ka Sport Club u Firstly Sari wa na u Standby Me Sari wei khaddooh ya ki kytien sneiñ wei kyrkhu kyrdoh na u kongsan u Ridame Sari.

Haka yalehke wa nyngkong da pynman hapyrdi ka Mukhla Wahshnong FC pyrchah ya ka Jarain Sutnga FC heiwa ka Mukhla Wahshnong FC da jop ko da 7-3.

Yaka Mukhla Wahshnong FC da thap kool da u Wamon Sari chi kool, u Player Suna ar kool, u D. Boy Nongrum 3 kool wa u Weltu Suna chi kool.

Yaka Jarain Sutnga da thap kool da u Rimitre Paslein, u Jerison Kamar wa u Fullstar Malang.

0 Comments

Leave a Reply