theme-sticky-logo-alt
theme-logo-alt
Advertisement ad1
Advertisement ad1

Sdang ka dkhot warim ka RAM da ka STOP

Advertisement ad1
Advertisement ad1

Kawi na ki dkhot warim ka Rot Association of Meghalaya (RAM) kawa tip kam ka Balahun da sdang ko ya ka seiñ ki bru wa pyrchah kaam khayi doh kawa tip kam ka Sex Trade Opposing People (STOP).

Ha kani ka seiñ, da kynthup ya kitu ki bru kiwa da ieh ya ini i kaam, kitæ ki kynthai kiwa jooh lai dakait wei kamjooh ki dalal kiwa jooh im-ja kpoh deiwa pynlai ya ki kaam dai doh. Da seiñ ya STOP hadien wa kawi na ki dkhot warim ka RAM da chah beh seiñ syndet ko du neidaw wa lai yachem wei da e Interview ko chaphang i im yong ka hakhmat uwi uwa thoh khubor.

Advertisement ad1

Ka Balahun kawa man leh kam ka Convener yong ka STOP da pyntip chooh chooh ko wa da poi nyngkong dooh ko cha ini i kaam dai yei doh i pran ym toh dei mon yong ka hi, tangwa da chah dai toh dor ko cha kawi kawa em ha ka jylla Uttar Pradesh ha uwi u bru uwa na Assam ha i por wa dang khian ko. Da pyntip chooh chooh leh wa dang em boon ngut ki kynthai kiwa na ka jylla Meghalaya kiwa dang sahkut ha kam kini bru wa dai kynthai ha kylleiñ ka ri India.

Ka STOP da khut sñiawbha ko ya ki seiñbhalang, ki seiñ kur, seiñ niam wa kamjooh ki Dorbar Chnong waphær waphær wow ya ksohkti lang ki wa ka STOP wow yakrehlang yow pyndooh jait ya ki kaam khayi kynthai na kani ka bri u Ynñiawtrep Ynñiawskum.

Ka Convener kam chibynta wow yaleh pyrchah ya kini ki jait kaam hapoh ka ri, da chim ko ya ka luti wow sai madan ya ki kot ki sla Registration ka Rot Association of Meghalaya wa em i pyrtuid ka President, Vice President, General Secretary, Publicity Secretary, Organising Secretary, Treasurer wa ka Joint Secretary kiwa chah kyntait na ka yung krehkaam ka sorkar Meghalaya hawa yaleh ki wow yoh yei tipmit lyngba ka Application Form for Registration of Societies.

Katkam katai ka Application, ka RAM toh kawa da seiñ ha u 2010.

Share this:
Previous

Da pynlait ya u khoo uwa ym emkaam wow su ha East Jaiñtia Hills

Next

Dawa hiar chuki ka EJNC ya u Lahkmen Rymbui