Ka yalang wow wai ya ka e sikai wa 3 bnai hajrong ka Organic Farming da pynman ya ka ynne ka sngi ha Mukhaialong da ka Tribal and Rural Social Foundation kawa da kyrchaan da ka Meghalaya State Skill Development Society kam chibynta ka Skills Meghalaya Scheme.
Ya ka yalang da pynlai da u Biangpor Shylla, Chief Coordinator, Tribal and Rural Social Foundation uwa da khana ya iwa daw e sikai kammon wow rep deiwa khlem pynemkaam sboh dawai wa ki yarap wa daw yoh ki hadien wa kut ka e sikai.
Neiliang u Hundred Phawa, Waheh Chnong ka Mukhaialong da e u ya ki kyntien pdiang sñiawbha deiwa yooluti wa kani ka e sikai daw kyntu kynrong ko ya kiwa chimbynta deiwa pynchlur leh wow ya wan chimbynta ha kani ka e sikai.
Neiliang u T. Pohthmi, Skill Development Officer, MSSDS, East Jaiñtia Hills District da kyntu u ya kiwa chimbynta wow wan tista ki khlem pep yow yoh myntoi ki wei da pynchlur u leh ya kiwa chimbynta wow pyndep leh ya ka Exam hadien wa pynman ya kani ka e sikai.
