Ka Election Commission of India (ECI) da sdang ko ya ka Special Intensive Revision (SIR) ha Odisha, Mizoram, Sikkim wa Manipur wow pynman ya ka Phase III yong ini i pait pynthymme ya ki Electoral Roll ha ka ri.
Ka Election Commission of India da sdang ko yeini ha ka 30 tarik u May katkam ka hukum wa pynmih ha ka 14 tarik u May wow kynthup ya ki 16 jylla wa 3 tylli ki Union Territory katkam ka Article 324 wa ka Representation of the People Act, 1950.
I thmu yong kani ka SIR toh wow pyntikna wa waroh kiwa chong chnong ka ri u yoh ki yei hok wow thap Vote khamtam kiwa em 18 snem tam wei yow lait leh u em leh ki pyrtuid kiwa artatien kam kiwa thap Vote.
Kiwa thap Vote hap ki wow e ya ki Form cha ki Electoral Registration Officers hapoh ka 28 tarik uni u June yow kynthup ya ki ha ka Draft Rolls wei kiwa ymyoh leh dang ye ki wow pyndap ha ka Form 6 wow kam næ pyrchah (Claims & Objections).
Neiliang ki Booth Level Officer leh daw sdang ki wow psiah ha man ki yung wow pyndap pyrtuid.
Ha Meghalaya daw sdang ya ka SIR deiwa lai na kawi cha kawi ka yung nadooh ka 30 tarik uni u bnai June hadooh ka 29 tarik u July.
Discussion about this post