Shillong: I yakrehkaam hapyrdi ki chipai ki ri man i iwa emkaam bha ha kani ka juk wa katni, kamtæ ki chipai ka India (Indian Army) wa ka ri Thailand (Royal Thailand Army) chisien chi snem da pynman biang ki ya ka Exercise MAITREE kawa man ka yakrehlang wow phyllu yumut hapyrdi kini ki ar chipai.
Kani ka Exercise da sdang ko ynnin ka 16 tarik hadooh ha ka 29 tarik uni u bnai wei ha kani ka kynti da pynman ya ka ha Umroi, Ri-Bhoi District, Meghalaya wei da sdang wow pynman nyngkong ya ka nadooh u snem 2006.
Ya kani ka Exercise hapyrdi ki chipai ki ar ri da pynman leh katkam ka Joint Training Node (JTN) hajrong ka thong wow yakhun pyrchah ya ki seiñ kieñ suloi namo ka Counter Terrorism Operation ha ki thaw wa khloo wa ki thaw wa man sor.
Ha kini ki 14 sngi ki yaphyllu wa ki esikai u man ki katkam ki kyndon ka United Nations Mandate 2006 heiwa daw pynman ya ki ebatai (Lecture), ki pynyoo sap, i em sap hawa pynemkaam tiarsiat, wa kiwi kiwi.
Kani ka Exercise u pynkut ya ka da ka Joint Exercise namo wow pynwandur yei yakrehlang i wow neh 48 kynta hajrong ka phang wa yatoh wa i yaleh pyrchah ya ki seiñ kieñ suloi (Counter Terrorism Operation).
Ya ki chipai India da yahkhmat ha kani ka Exercise da u Col. Manish Joshi katwa ya ki chipai ka Thailand da u Col. Thiradej Limkunagul.
Discussion about this post