Ka 29th Gold Cup Knockout Football Tournament 2023 wa pynman da ka Wapungskur Sports & Social Welfare Organisation (WSSWO) da sdang ko ynne ka sngi da ka yaklehke hapyrdi ka DWRC waka SSFA.
Ka DWRC da yoh ko yei jop da 2-0 da ki kool wa thap da u Wadon Kharbudon haka minit wa 64 wa 78.
U Wadon da yoh u leh yei naam Player of the Match wa da saam da u Hamlen Rymbai.
Ha kani ka sngi da wan wow pynwyrngia da i chaad na ka Riyasan Group kawa man leh kam kawa jop ya ka Jaiñtia Got Talent Season-5 waka K B Memorial Secondary School, Wapung.
Da e leh ya ka Memento kam ka burom cha uwi na ki khynroo yong ka chnong Wapungskur uwa tip kam u Bormi Ryngkhlem uwa da e yarap yow pynchna pynmiat ya ka madan.
Ka WSSWO da e khublei ko leh ya waroh kiwa wan paitke kiwa da wan pynchongchit ha kani ka sngi kamjooh ya ki Volunteer nadooh ki khon khynroo wa ki VDP yong ka chnong waroh kawi.
Ya kani ka sngi sdang wan wow sakhi da u Tiufill Shadap kam u kongsan wa u Dimitrios Rymbai wa u Gimson Dkhar kam ki symbood kongsan.
Kam wow pynkynmoo wa kiwa jop ya ka Final daw yoh ki yaka song poisa wa Rs. 5 lak deilang wa i ksiar wa chiteiñ tola waka Trophy katwa kiwa rem won u yoh ki Rs. 3 lak deilang waka Trophy.
Discussion about this post