Jowai : Kam chibynta wow lehkmen ya ka District Level Gramoday ha West Jaiñtia Hills District da pynman ya ka Open Football Tournament hei krehlang ka West Jaiñtia District Sports Association, ka District Basin Department Unit, ka Divisional Soil and Water Conservation Department wa ka District Sports Officer.
Da sdang ya kani ka Open Football Tournament ynne ka sngi ha Kiang Nangbah Stadium, Ladthadlaboh, Jowai heiwa da wan chimbynta 8 tylli ki dhab.
Ynne ka sngi da pynman 4 tylli ki yalehke. Ha ka yalehke wa nyngkong ha pyrdi ka 7 Wasa wa ka Raliang SPSC, ka 7 Wasa da jop suk ko da 8-0. Ya ki kool da thap da u Tedyson Bang ha ka minit wa 33, u Iawadki Lhuid ha ka minit wa 37, u Felix Bang ha ka minit wa 50 wa 54, u Semion Suchiang ha ka minit wa 52 wa 60 wa u Kitbok Shylla ha ka minit wa 61 wa 63.
Ha ka yalehke wa ar ha pyrdi ka Khla Chympa wa ka Ummulong da rai ya kiwa jop da ka chut Tie-breaker hadien wa kut ka yalehke mar chi kool. Ya ki kool da thap u Puson Rymbui neiliang Khla Chympa wa u Pynhun Pyrtuh neiliang u Ummulong. Ha ka yachut Tie-breaker ka Khla Chympa da jop ko da 4-3.
Ha ka yalehke wa le ha pyrdi ka Iawpynsin wa ka Raliang Iatyllilang, ka Iawpynsin da jop ko da 2-0. Ya ki kool da thap da u Kynsaibor Lhuid ha ka minit wa 24 wa 29.
Ha ka yalehke wa soo won ka Jarain da jop ko ya ka Lumkynsaw da 7-1. Ya ki kool ka Jarain da thap da u Primrose Lamat ha ka minit wa 15,28,32 wa 33, u Pdianghun Suting ha ka minit wa 57, Blessing Pamthied ha ka minit wa 60 wa Karkit Suting ha ka minit wa 68. Ya ka kool ka Lumkynsaw da thap u Tyngshain Marboh ha ka minit wa 5.
Ya ki yaleh ke semifinal u pynman mynstep ka 24 tarik ha pyrdi ka 7 Wasa Vs Iawpynsin ha i por 11 waje i step wei pynbood sa ka Khla Chympa Vs Jarain hei por 1 waje i sngi.
Discussion about this post