Sdang ka Independence Day Cup Under-16 Football Tournament 2018 ka WJDSA

Jowai: Ka West Jaintia District Sports Association, Jowai ha kani ka 21 tarik da sdang ko ya ka Independence Day Cup Under-16 Football Tournament 2018 kam chibynta ka lehkmen ya ka sngi laitlooid ka ri India.

Ki yalehke ha ka 21 tarik da pynman le tylli heiwa ha ka yalehke wa nyngkong ka Dulong da pynrem ko ya ka Saindur Mihmyntdu da 4-2 kool.

Ya ka Dulong da thap kool da u Tremiki Lamurong ha ka minit wa 12, 24 wa 40 wa u Samchaphrang Lato ha ka minit wa 59. Ya ki kool ka Saindur Mihmyntdu da thap u Kermiki Kyndait ha ka minit wa 43 wa u Kenal Dkhar ha ka minit wa 52.

Ha ka yalehke wa ar won ka Mukhla Raij da pynrem ko ya ka Wahiajer da 2-1. Ya ka Wahiajer da thap kool u Ebormi Mukhim ha ka minit wa 20 katwa ya ka Mukhla Raij da thap u Seven Born Suna ha ka minit wa 43 wa u Benny Son Rymbai ha ka minit wa 59.

Ha ka yalehke wa le won ka Khimusniang da pynrem ko ya ka West Madan Mustem da 1-0 da ka kool wa thap u Esalan Nongpluh ha ka minit wa 8.

Ynne ka sngi won ka 7 Wasa da pynrem ko ya ka Khliehmyntang Ialong da 3-0 da ki kool wa thap u Ronaldo Sukhlain ha ka minit wa 37 wa 55 wa u Wankitbha Pohthmi ha ka minit wa 60.

Related posts

Daw pynman ka Assam Warriors Sports Academy ya ka Football Selection Trial ha East Jaiñtia Hills

December 18, 2025

Psiah Final ka Dkhiah West wa ka Byndihati ha ka Women’s League ka EJHDFA

December 17, 2025

Ha ka yalehke wa bood won hapyrdi ka Mynthong waka Dongmihsngi da kut ko 0-0.

Waroh kiwa wan chimbynta da poi ki 22 tylli ki dhab.