Hadien wa joor i kynaad hapyrdi ka Iran wa Israel, neiliang ka sorkar India da booddien bha ko yei man i long la 7 sngi kattu deiwa sñiawkhia yei chngaaiñ ki nong India ha kitai ki ri wei da sdang leh ya ka Operation Sindhu.
Nyngkong ka Indian Embassy ha Tehran, Iran da yarap ko wow pynlait ya ki 110 ngut ki nong India wa em ha Iran wow lai ki cha Armenia ha ka 17 tarik uni u bnai.
Kini ki nong India da lai won ki cha nongbah Yerevan ka Armenian deiwa krehlang ka Indian Embassy ha Iran wa Armenia.
Na Yerevan da pynkhreh ya kawi ka lieñsuiñ kawa da mih ynnin i sngi heipor 2:55 wei da poi ko ha New Delhi ynne i step kam chibynta ka Operation Sindhu.
Ya kini kiwa da yoh u liwan da pdiang ki ha Delhi da u MoS Minitry of External Affairs, Kirti Vardhan Singh.
Ha waroh da em 110 ngut ki khynnah heiwa boon na ki toh kiwa na Jammu and Kashmir.
Discussion about this post