Ki chipai duriaw ka ri, namo ka Indian Navy da sdang ko ya ka Operation “Samudra Setu” iwa mut ka yingkieñ ki duriaw wow wanrah biang ya ki bru ka India kiwa neh cha ki baar ri deiwa pynemkaam ya ka Indian Naval Ship (INS) Jalashwa wa INS Magar kiwa dang lai cha Malè, Republic of Maldives nadooh ka 8 tarik uni u bnai kam ka Phase-1 wow wanrah biang ya kiwa neh cha baar ri.
Neiliang ka ri dang booddien bha ko yeini khamtam heini i por wa krehkaam ka Lockdown wow yakhun ya ka khlam u COVID-19.
Neiliang ka India da pynkhreh ko wow li thooh ya kini ki bru da ki jhaad yong ka deiwa pyndep ya ki Screening wa kiwi kiwi. Da pynkhreh leh wow kit ya 1000 ngut ki bru na kani ka ri.
Kini ki ar tylli ki jhaad toh kiwa da biang ki thaw sumaar wa kiwi kiwi kiwa emkaam katkam ki kyndon ka sorkar lyngba ka chnat i chait i khiah hei yatoh wa ka khlam u COVID-19.
Ya kini kiwa lithooh daw pynhiar ya ki ha Kochi, Kerala wei daw chimkti ya ki da ki bor ka sorkar jylla, wei ha ini i kaam wow wan thooh ya kini ki bru da emkti ki chnat kam ka Ministries of Defence, External Affairs, Home Affairs, Health wa kiwi kiwi.
Discussion about this post