Ka Inter Home Football League Tournament 2025 ka Iongkaluh Sport Club da sdang ya ka ynnin da ka yalehke hapyrdi ka Wahsder FC wa ka Khlieh Kyndon FC heiwa ym em wa jop.
Ya kani ka Tournament da wan wow wai ya ka da u Shngainbor Kyndait kam u kongsan uwa man kam u Chairman ka VEC, ka Ritis Dkhar kawa man ka Secretary VEC chnong Iongkaluh kam ka symbood kongsan deiwa ya emlang kiwa kitkaam ka chnong nadooh u waheh chnong, u Beranus Dkhar, u Nipaia Dkhar, Secretary chnong deilang ki waheh ka Iongkaluh Sport Club wa ki Executive Member ka chnong Iongkaluh.
Ha kani ka lympung yalehbol da wan wow chimbynta da waroh 7 tylli ki dong wa kawi ka Football Team ka VDP wa em hapoh ka chnong kitæ toh ka Khlieh Kyndon, Wahsder, Neinshnong, Taprasiang, Lelad, Khlieh Umnang, Shlaiñ wa ks VDP FT.
Ka yalehke sdang da man ko kawa yatoh bor bha waroh ar liang heiwa ym em wa yoh u pynkhih jaar hadooh wa da kut por.
Ka yalehke wa bood u pynman ha kani ka 10 tarik hapyrdi ka Khlieh Umnang wa ka VDP FT heipor 12:00 waje pyrdi sngi wei daw pynbood da ka Neinshnong Vs Shlaiñ heipor 2:00 waje i sngi wei daw pynkut da ka Lelad Vs Taprasiang heipor 3:30 i sngi.
Discussion about this post