Jowai: Ka yakob yalehke Badminton Inter Office wa tip kam ka 9th U Kiang Nangbah Inter Office Badminton wa pynman daka Meghalaya State Govt. Employees Federation Jaiñtia Hill Unit Jowai da sdang ko ynne i janmiet ha yungwalieh ka dorbar chnong Dulong.
Ki chnat sorkar wa wan yachim bynta kynthup yaka PHE, ka Soil & Water Conservation, PWD, MePDCL, DIPR, District Statistical Officer, Education, DM&HO, JHADC, Agriculture, Horticulture, ki C&RD Block waka SDSEO.
Kamtæ haka sngi sdang yong ka yakhun haka kyrdan Mens Single, u Singlet Lamare naka DM&HO da pynrem u ya u Y. Shangpliang wa naka chnat PWD da 21-14, 21-18.
U Da-u-ru Laloo naka PWD da pynrem u yow Deminive Chullai da 14-21, 21-19, 21-16, katwa u Riki Pala naka DM&HO da pynrem u yow Polestar Niangti uwa naka C&RD Block da 21-18, 21-12.
Haka yakhun yong ka kyrdan Mens Double won, u B. Kyndiah wa u C. Lamare kiwa naka chnat PWD, da pynrem ki ya u E. Pohshna wa u W. Dkhar kiwa naka chnat MePDCL da 21-19, 18-21, 21-17, katwa u Y. Kma wa u I. Tariang naka chnat C&RD Block won da pynrem ki ya u W. Challam wa u H. Kyndiah da 21-19, 18-21, 21-19.
Discussion about this post