Sdang ka Jaiñtia Youth Federation ya ka chnat thymme wa tip kam ka Amjalong Unit

Ka Jaiñtia Youth Federation (JYF) da sdang ko ya ka chnat thymme ka wow tip kam ka JYF-Amjalong Unit ha ka 30 Naisan 2022 heiwa da em ka yalang pynskem ya kiwa kitkaam ha ka Community Hall ka chnong Amjalong.

Ha kani ka sngi da emlang da kiwa yahkhmat ka JYF Central Body kiwa kynthup nadooh u President u O.L. Tariang, Vice-President u John Pala, General Secretary u S. Pajuh, u President ka Saipung Circle u O. Nampui wa ki kattu katni ki dkhot.

Ya kani ka sngi da wan sakhi leh da president ka RJTA u Paila Lyngkot, u Waheh Chnong ka Amjalong uwa da kyntu ya ki dkhot ka Unit wow man ki bru kiwa chisur wow sñiawthooh yei eh i khoo ki paidbah khnang wow wanrah ya i kylla wa i roi i paar ha ka chnong.

Da yoh leh i klam wa tbian na u General Secretary ka seiñ uwa da khana ya ka yurim ka seiñ wa ki kaam wa da leh ko hadooh kini ki sngi.