Ka seiñ JSM Western Region ynnin ka sngi da pynman ko ya ka yalang wow sdang ya ka chnat thymme wa tip kam ka Chyrmang Unit heiwa da pynlai ya ka yalang da u Skhembhalang Dkhar uwa man kam u Vice President ka seiñ.
Da yoh i klam na u PS Phawa, In-charge Western Region, u RB Biam uwa man kam u Education Secretary, u Pynbaitlang S Passah Sport Secretary, ka Nida Dkhar General Secretary ka Women’s Wing wa kiwi kiwi.
Ya kiwa kitkaam kani ka chnat da yahkhmat wow khlai ya ki kyntien kular da u ED Lamare uwa jooh man kam u Secretary warim ka seiñ.
Ha kani ka yalang da jied President ya u Twelve Talang, u General secretary u Ram Lakiang wa ki 14 ngut ki dkhot ka Executive Committee wa kynthup ya ki manbei.
