Ka West Jaiñtia District Sports Association (WJDSA) Jowai, kam chibynta i lehkmen dap 50 snem ka seiñ da pynman ko da ka Open To All Knockout Football Tournament-2022 kawa da wan chimbynta da 20 tylli ki liang.
Ya ki yalehke da sdang da artylli ynne ka sngi heiwa ka Ummulong SS&CC da yachem ko waka Soomer heiwa da dap ka Ummulong da 2-1.
Ya ka Ummulong da thap kool da u Tremiki Lamare ha ka minit wa 24 wa u Cleofast Bamon ha ka minit wa 63 katwa ya ka Soomer da thap da u Damechwa Dkhar ha ka minit wa 29.
Ha ka yalehke wa bood, ka SBSA da jop ko ya ka Ialong FC da 1-0 da ka kool wa thap u Das Dkhar ha ka minit wa 74.
Ki yalehke mynstep u pynman hapyrdi ka Jalapang FC Wahiajer waka Iatyllilang FC Wapung heipor 12:00 waje pyrdi sngi wei daw pynbood da ka Seinpynbhalang Sahsniang waka Mukhla Mission heipor 2:00 waje i sngi.
