Ka (L) Kesilroy Pala Invitation Football Tournament 2023 wa pynman da ka West Jaiñtia Sports Association (WJDSA) da sdang ya ka ynne ka sngi ha Kiang Nangbah Stadium, Jowai.
Ki liang wa da wan chimbynta da em ki 17 tylli nadooh ka 7 Wasa, Rymbai Shkenshynriah, War Jaintia Veteran, Tpep Swer, Ladthadlaboh, Mynsngat wa kiwi kiwi de.
Kani ka Tournament toh da ka Knockout wei da sdang ynne da ka yalehke hapyrdi ka Mukhla FC waka Mupliang FC wa da jop suk da ka Mukhla da 6-1.
Ya ki kool ka Mukhla da thap da u Wadajied Ryngkhlem haka minit wa 23 wa 64, u Santi Janai haka minit wa 68, u Timmy Ryngkhlem haka minit wa 79, u Teddy Bang haka minit wa 82 wa u Player Suna haka minit wa 85.
Ya ka Mupliang dda thap kool da u Basuk Khonglah haka minit wa 45+2.
Ki yalehke daw pteiñ ha ka 6 tarik hapyrdi ka Ladthadlaboh waka Mukhla heipor 2:00 waje i sngi.
Discussion about this post