Sdang ka lehniam Behdieñkhlam ka Raij Jowai deiwa bood ya ki kyndon yada khlam

Ynne ka sngi ka lehniam Behdieñkhlam ya kawa da tip leh kam ka lehniam Soo Sngi Le Yaw yong ka Raij Jowai da sdang ko ha ki yung ki sem, ha ki Kmai-yung deiwa pyndep ki ya ka Siang ka Pha wow e ngooh ya ki Sangia Saret kiwa wan hiar cha sla khyndaw pyrthai chirup wa u Tre Kirot.

Manda pyndep ya ka Siang ka Pha, ki khon chynrang ka Khon Raij kiwa da em kamwa 40 ngut da lai thooh ki ya ka Symbood Khnong wow libooh ya ka ha kjat u Loom Soo Yung.

Kini ki 40 ngut toh kiwa da jied kyrpang katkam ki kyndon wa da booh heiwa waroh kini 40 ngut toh kiwa da dep chim tika yada COVID-19.  

Ha uni u snem ya ka Symbood Khnong kawa man ka Dieñkhlam ka Beipun Bon da lithooh na Khliehchnong heiwa ha i thaw wa em ko da yoh ya i ngoohblai chwa wow rah ya ka cha Loom Soo Yung. 

Related posts

Khut sñiawbha ka Seiñ Raij Satpator wow ya wan sakhilang ya ka Niam Phor

January 6, 2026

Phooh phieñ ka Dorbar Niamtre ki khon ka Ri 12 Dolloi 30 Syiem ha Khonchnong

December 29, 2025

Ya ka Symbood Khnong daw pynchong ya ka myntu chi miet ha Loom Soo Yung chwa wow lai rah won ya ka mynstep cha Chiliangraij.