Shillong: Ka Vigilance Awareness Week hajrong ka phang ‘Integrity- A way of life’, ha NEIGRIHMS da sdang ya ka ha ka 28 tarik uni u bnai hadooh ka 2 Khonchonglad, heiwa da khlai leh ya ki kyntien kular OPD Foyer kani ka thaw sumaar.
Da em leh ka yakob pynyoo rong ya ki Poster heiwa ki wakreh wa kiwa puræ da pynsñiaw ki hajrong ka phang yong ka tayaw.
Ha ka 29 tarik da em ka ka yakob lehke drama wa tbian hajrong ka phamg ha kawa da chimbynta da kiwa puræ ka Nursing College, NEIGRIHMS.
Ya kani ka yakob da yaroh da ki Doctor, ki wakreh wa kiwa wan thooh dawai.
Neiliang u Director ka NEIGRIHMS da kyntu u ya waroh wow man kiwa khooid wa kiwa skem i thij i pyrkhat. Da ong u wa hawa man kamni pynyoo i wa i mynsien leh man i iwa khooid.
Neiliang won Vigilance Officer, NEIGRIHMS, u Prof. P. Bhattacharya da batai u yei rukom krehkaam ka Vigilance Cell ha kani ka thaw sumaar wei da pyntip u wa lada em iwon iwon i kaam baam tooh toh u pyntip cha u Vigilance Office namo u Director wot cha u Medical Superintendent Office.
Kiwi kiwa da klam ha kani ka sngi toh u Dean Faculty, u Prof. A. C. Phukan wa u Medical Superintendent, Prof. Noor Topno.
Discussion about this post