Ka lympung yalehke Jaiñtia Hills District Chess Competition cum State ‘B’ Tournament 2024 wa pynman da ka Jaiñtia Hills District Chess Association (JHDCA) da sdang ko ynne ka sngi ha Thomas Jones Synod College, Jowai wei daw pynkut ha ka 8 tarik.
Chwa wow sdang ka lympung da em ka yalang wa pynlai da u P. Lhuid uwa man u President ka JHDCA heiwa u Teiwansa Challam da man u kam u kongsan.
Da yoh i klam na u K.M. Warjri uwa man u President ka Meghalaya Chess Association uwa da ong wa kani ka lympung toh wow jied ya ki wow mihkhmat ya ka District cha ka State Championship ka wow man nadooh ka 12 hadooh 15 tarik uni u bnai ha Tura.
U Teiwansa Challam hawa e yei klam da ong u wa hawa man kiwa yalehke ymtoh u man kiwa sarom kiwa sarong deiwa ong wa ymtoh u sarom wow chimbynta ha ki yalehke wei ymtoh u man kiwa sarong manda jop ha ki yalehke.
Ya kani ka lympung ha Jowai da bhah ha ki 7 Round wei ynne da pyndep 3 Round wei mynstep u pyndep sa ya ki 4 Round.
Ha kani ka lympung da em 93 ngut kiwa chimbynta na West wa East Jaiñtia Hills District wei na kini 37 ngut toh ki khynnah skur.
Discussion about this post