Jowai: Ka yalehke Football kamjooh leh ka tamasa, da wan wai emburom yaka da u K. Blah uwa man leh u President yong ka MPUF Khliehriat, ha ini i wan wai yong oo, da emlang ki waheh chnong, ki Secretary chnong wa ki dkhot yong ki arliang kiwa yakhun ha ka yalehke Football.
Neiliang u Blah da ong u wa ka yalehke Sports toh kawa emkaam dooh ha ka liang ka kaam ka jaam, da kular u leh wow yarap ya kino kiwon kiwon kiwa yalehke Sports kiwa em sakhiat yaka sap ka phong katkam i kot i bor yong oo.
Ha kani ka sngi ya ka yalang da pynlai da u Precious Stone Lama hei emlang leh u Secretary u Leki Khai wa kiwi.
Ka yakhun ha katai ka sngi ka man ko hapyrdi ka Lumkseh pyrchah yaka Wahsarang, heiwa ka Wahsarang da jop ko yaka Lumksheh da 4-3 da ka yachut Tie-breaker.
Discussion about this post