Jowai: Ka Waikhyrwi Sport Club and Social Organisation (WSCSO) ynne da sdang pynman biang ko ya ka lympung yalehke football wa tip kam ka 11th Prize Money Knockout Football Tournament, 2017 ha Teilang Phawa Playground, Dkhiah West; heiwa kiwa jop u yoh ki T. 2,20,000 katwa kiwa poi wa ar won u yoh ki T. 1,10,000.
Ya kani ka lympung ynne da wan wai da ka MDC ka thaiñ ka Violet Lyngdoh.
Hei klam yong ka da e ko i yaroh cha kiwa pyllai ya kani ka lympung deiwa kyntu ya kiwa yachimbynta wow kiar ki na i sih wei wow pynman ya ka yalehke football kawa miat wa yoosuk.
Da ong ko leh wa ka Football ye ko u pynim ya kiwa yalehke deiwa kyntu ya ki wow bood ya ka nongmuna u Eugenson Lyngdoh, u Aiborlang Khongjee kiwa da wanrah naam ya ka jylla wa ka jaitbru waroh kawi.
Ynne ka sngi ka yaleh da man ko hapyrdi ka Ryntihlang FT pyrchah ya ka Suchen SC heiwa ka yaleh da man ko kawa drawn heiwa da thap 1-1 wei da rai jop noh ya ka Ryntihlang FT lyngba ka Tiebreaker heiwa da thap ko 4-2.
Discussion about this post