Sdang ka Moolamanoh SC dei jop haka yalehke First Div ka EJHDFA

Jowai: Ka yalehke Football yong ka 1^st Division League wa pynman daka East Jaintia Hills District Football Association (EJHDFA), ynne ka sngi da pynman hapyrdi ka Moolamanoh SC pyrchah yaka Deinchynrum SC, wei ka yalehke wa ar, da man hapyrdi ka Iapmala United SC pyrchah yaka Bataw Youth SC.

Ha ka yalehke wa nyngkong, ka Moolamanoh SC da jop ko yaka Deinchynrum da 3-1. Kani da man ko ka sien sdang yong kini ki ar liang haka yalehke First Division 2019. Waroh ar liang da man ki kiwa khlan wei da yaleh ki wow poi cha ka Knockout Round. Ya ka Moolamanoh SC da yah khmat da u Coming TM Tlang kam u Coach wa u Bhabok Siangshai kam U Manager.

Haka yalehke wa bood da kut ko khlem em wa jop hapyrdi ka Iapmala United SC pyrchah yaka Bataw Youth SC. Kini ki Team na kawi ka Group man ki leh kiwa khlan heiwa da sakhi ya ka yalehke wa yathain bha hapyrdi yong ki.

Ka khubor katkam wa da phah da u Match Commissioner u James Sutnga.