Ka Meghalaya People United Front (MPUF), ynnin ka sngi da sdang ko ya ki ar chnat wa thymme wa kynthup ya ka MPUF-Mookhep Unit wa ka Mookhep Women’s Wing Unit ha ka yalang wa da pynman ha Dorbar Hall ka chnong Mookhep, East Jaiñtia Hills District heiwa ya ka yalang da pynlai da u Kmen Siangshai uwa man u General Secretary ka MPUF East Jaiñtia Hills District.
Ya ki dkhot wa thymme ki ar chnat da yahkhmat wow chim ya ki ktien kular da u President ka MPUF Seiñbei, u Dapoiwanmi Laloo uwa da khana leh ya ki rukom krehkaam wa ka thong yong ka seiñ.
Da yoh ya ki kyntien sneiñ kyntu na u President ka MPUF-EJHD u Kyrshan Blah uwa da khana wa ka seiñ toh kawa kreh neibynta i eh i khor ki paidbah khamtam kiwa duna hei yoh i laa wa kiwa chah ieh khonswet, heiwa neipor cheipor ka seiñ jooh kyrchaan ko ya ki khamtam heipor wa emkaam yarap ki.
Ha kani ka sngi da emlang leh u General Secretary ka NPP na 6-Khliehriat Constituency u Iasyllok-Ki Lyngdoh, u Jonny Phawa, President ka San Chnong MPUF wa kiwi kiwi.
Kiwa kitkaam ka Mookhep Unit man ki kamni hawah:
President- S. Shiangshai
Vice President- Babu Rymbai
General Secretary- Ioanis Rymbai
Kiwa kitkaam ka Mookhep Women Wing Unit won man ki kamni hawah:
President- Youkiniki Rymbai
Vice President- Karbelin Rymbai
General Secretary- Eity Summer wa kiwi kiwi.
Neiliang ka President MPUF-Women Wing Unit ka Youkiniki Rymbai, da e khublei ko ya ka seiñ MPUF wa da e laad ko wow psiah kam ki dkhot ka seiñ heiwa da ong wa katkam wa yoo ko ka seiñ toh kawi na kiwa kyrchaan langær ya kiwa emkaam yarap.
