Ka Rangdajied United FC da jop ko da 4-2 ya ka Ryntih SC yow yoh wa ar ha ka Shillong Premier League 2021-22 hadien wa yalehke ynne ha ka Third Ground, Polo, Shillong.
Ya ki kool da thap da u Donboklang Lyngdoh (45’+2, 57’), u Niawkorlang Kyndiah (48’P) wa u Wansiewdor Nengnong (82’) yow pynjop ya ka Rangdajied katwa ya ka Ryntih da thap da u Ebormi Buam (25’) wa u Sheen Sohktung (63’).
Deiwa yoh 28 Point, ka Rangdajied da yoh biang ko yei wa ar hei boon Point iwa mut wa ka Langsning FC (25 Point) hap ko wow jop ya ka Mawlai SC yow yoh wa ar.
Ka yalehke wa khaddooh kani ka samoi ka SPL 2021-22 kawa daw pynman ha kani ka 30 tarik toh hapyrdi ka Langsning FC waka Mawlai SC heipor 3:00 waje i sngi. Hawa yachem khaddooh kini, ka Mawlai da jop ko da 2-0.
