Ka Rangdajied United FC da sdang ko yaka Shillong Premier League 2023 deiwa jop da 1-0 yaka Nongthymmai SC kawa dang dep ku kyrdan ha ka sngi nyngkong kani ka samoi wa thymme kawa da pynman ha SSA Stadium, Polo, Shillong ynne ka sngi.
Neidaw wa siang thymme ya u Artificial Turf ha kani ka Stadium uwa da chimpor wow pyndep, da pynslem leh u sdang ya ka SPL da kattu katni bnai, kamtæ da chim yaka rai hapyrdi ka Shillong Sports Association deilang wa 8 tylli ki Club kiwa chimbynta wow pynman noh ya kani ka 2023 Tournament da ka Single Leg Format deiwa em ka Semi Final wei pynbood wot da ka Final.
Da rai leh wym pynhiar kyrdan hawa kut kani ka samoi iwa mut wa ha ka samoi 2024 daw em 10 tylli ki Club.
Hawa kyruiñ cha ka yalehke ynne ka sngi, ka Rangdajied da jop ko da ka kool wa thap u Ksankupar Khongmalai haka minit wa 61.
Mynstep ka yalehke wa ar kani ka SPL 2023 daw pynman hapyrdi ka Sawmer wa Nangkiew Irat SC heipor 3:00 waje noh chariñ ka sngi.
Discussion about this post