Sdang ka Republic Day Cup U-13 Football Tournament 2024 ka WJDSA

Ka West Jaiñtia District Sports Association (WJDSA) ynne da sdang ko ya ka lympung yalehbol wa tip kam ka Republic Day Cup U-13 Football Tournament 2024 kawa da em 18 tylli ki liang wa da wan wow chimbynta heiwa ka yalehke toh kawa pynman 30 minit chi kylla.

Ynne ka sngi sdang da pynman 6 tylli ki yalehke.

Ha ka yalehke wa nyngkong, ka FAM da jop ko yaka Luti Tuber Ialong da 3-0 lyngba ki kool wa thap u Dachanmitre Dkhar haka minit wa 17 wa 55 wa u Chelangki Shylla haka minit wa 25.

Ha ka yalehke wa ar, ka Catholic Youth Mihmyntdu da jop ko yaka Iawmusiang Nartiang da 3-0 da ki kool wa thap u Wandame Phawa haka minit wa 7 wa 50 wa u Charelang Phawa haka minit wa 53.

Related posts

3rd Division EJHDFA: Psiah Quarter sa ka Lumshyrmit wa ka Lama Youth

July 28, 2025

Daw jied ka MTTA ya kiwa em sap ha ka Table Tennis na East wa West Jaiñtia Hills

July 28, 2025

Ha ka yalehke wa le, ka Panaliar da jop ko yaka Mynthong da 5-0 da ki kool wa thap u Sawa O Phira haka minit wa 22, 30 wa 35, u Lewa O Sumer haka minit wa 45 wa u Lammiki Kynjing haka minit wa 49.

Ha ka yalehke wa soo ka Sabahmuswang da jop ko yaka Dulong da 2-1. Heiwa yaka Sabahmuswang da thap kool da u Deiwaemitre Shylla haka minit wa 7 wa 13 katwa yaka Dulong da thap da u Ozil Langshiang haka minit wa 28.

Ha ka yalehke wa san, ka Iongpiah da jop ko yaka Sailung Ialong da 2-0 lyngba ki kool wa thap u Saiwotkibor Suwer haka minit wa 18 wa u Kynsai Manner haka minit wa 38.

Ha ka yalehke wa ynru, ka P.S.A da jop ko yaka Demthring da 4-0 da ki kool wa thap u Shemiki Myrchiang haka minit wa 35 wa 39, u Deibormi Mulieh haka minit wa 58 wa u Wallam Pyrtuh haka minit wa 59.